| AsEeRaT's profile•·.·.·•.:x♥x:. - *أسيرة ...PhotosBlogLists |  Tools  Help |
|
4/24/2009 ,حشتوووني!السلام عليكم ورحمة الله وبركاته
بـ~ـ~ـ~ـ~ـ~ــــل,, من زمان ما دخل هالاسبيس, وحشتوووني وايد وشووووووووووكرا لكل من يدخل ويقرا كتاباتي او حتى المقالات اللي حبيتها وخليتها بالاسبيس,,
مرت سنين من اول ما سويت هالاسبيس واتغيرت امور وايد,, لكل من راسلني ومالقى رد, ولكل من شارك بقروبي وعرف اني منقطعة من زمان عنه, اقولهم انا اسفة انشغلت بالحياة ( الله لا يشغلكم الا بطاعته), تراني قريت كل رسايلكم صح يمكن قريتها متأخرة بس استانس ان فيه ناس صح مهتمة وتقرا وخصصوا وقت ليكتبون لي لو كلمة وحدة, بجد شي يفرح.
اقولكم الحمد لله اتغيرت امور كثيرة بحياتي وفي امور صارت احسن من قبل, صح اني طلعت من الجامعة وماكملت دراستي, بس ابديت اشتغل, اول شغله لي كانت بتاريخ 1/8/2006, قووولوا ما شاء الله, اشتغلت كسكرتيرة بدوامين وبمكان بعيد وبراتب قليل, وبعده بشهر الله وفقني وحصلت مكان اقرب ودوام واحد والحمد لله براتب احسن, وبعده بفترة بسيطة صرت اشتغل شغلتين, اتصدقون بنت تشتغل شغلتين, والله تعبت وايد ما ارد البيت كل يوم الا الساعه 9 بالليل وللحين انا على الشغلة الثانية لين نهاية هالشهر ان شاء الله, بعد سنتين ونص بهذاك الشغل, الله كمان وفقني والحين اشتغل كمساعدة بشؤون الموظفين والحمد لله الراتب عال العال والدوام حلو (ادعوا لي ان شاء الله اتوفق في هالشغلة) واللي يبي شغل افا عليه انا اطلع له :).
المهم كل اللي ابي اقوله ان الحمد لله صبرت وكافحت لين ما وصلت للي انا فيه, ابي لكل من راسلني وكتب انه شقيان بحياته مثلي قبل وحزين انه يتوكل على الله ودائما يدعي لله ويصبر ويكافح مو بس يقد ويقول انا حزين وانا وانا, اعوذ بالله من كلمة انا, ترى ما راح يصير لكم شي اذا قدتوا وماحاولتوا تسوون شي بحياتكم, يمكن مو كل الناس تقدر تسوي شي بحياتها وخاصة البنات, بس اقل شي تقدرون اتسوونه انكم تدعون لبربكم.
بخصوص الدراسة ادري في ناس بيقرون اللي انا كاتبته ويلوموني لاني تركت الدراسة, كانت الظروف اقوى مني, بس لا اتخافون ما راح استسلم, لو بستسلم كان استسلمت من زمان, البلاوي تجيني من كل صوب, بس هذي الحياة, واقول اللي ما يعرفك ما يثمنك, الناس لما ما اتعرف انت شنو اتمر فيه يروح فكرهم دائما بعيد, اقول لكل من قام يتكلم عني بكلمة سيئة ولا حتى فكر عني بسوء ( اتقوا الله في انفسكم) طالعوا نفسكم وحاسبوا نفسكم قبل لا اتطالعون غيركم وتتكلمون عليهم.
المهم ما ابي اطول عليكم, كنت ابي اطمنكم عليي واشكر كل من كتب لي لو كلمة او حتى زار اسبيسي.
اختكم
أسيرة  |
|
|
